ဘ၀တစ်ခုလုံးစာအတွက်အပျော်ရွင်ခဲ့ရဆုံးသော..နေ့တစ်နေ့ပါ..။.ဘ၀တစ်ခုလုံးနဲ့ချီပြီး ပြောလာသူကို..ပိုတယ်လို့များတော့ဖြင့်..မထင်လိုက်စေချင်ဘူး.။အမှန်တစ်ရားတစ်ခုပါ.။..
မှတ်မှတ်ရရ..ရှိခဲ့ဘူးတဲ့…ပျော်စရာကောင်းသောနေ့တစ်ချို့တော့..ရှိခဲ့ဖူးပါတယ်။
သို့ပေမဲ့ အသေအချာပျော်ခဲ့ရသည်တော့မဟုတ်ခဲ့။
(၁၀)တန်းစာမေးပွဲအောင်သောနေ့အများအတွက်..ပျော်စရာပေမဲ့..မှန်းချက်နဲ့နှမ်းထွက်မကိုက်ခဲ့တဲ့. ကျွန်မအတွက်ကဖြင့်..ပျော်စရာသိပ်မရှိခဲ့ပါ။
မင်္ဂလာဆောင်သောနေ့…ပျော်ရွင်စရာများကြားမှပင်..အင်မတန်မှစ်ိတ်ရှုပ်ရသော..နေ့တစ်နေ့အဖြစ် ဒိုင်ယာရီတွင်.မှတ်သားထားခဲ့မိသည်.။ ဧည့်သည်များမလာမီတွင်..ပျက်သွားသောဖိနပ်..၊ အကြိမ်းပေါင်းများစွာ ပြေးဝယ်ရသော..ဒံပေါက်။.မနားတမ်း..ပြုံးခဲ့ရသော..အပြုံးများ..တစ်ခါတစ်ခါ စိတ်မှလှိုက်လဲစွာ ပြုံးပြခဲ့သည်လည်းရှိရဲ့….တစ်ခါတစ်ခါ..ဟန်ဆောင်ပြုံးများလည်း..ပြုံးမိရဲ့…။
အလုပ်ရသောနေ့..ရာထူးတိုးသောနေ့….စသည်..စသည်…ပျော်ရွင်ခဲ့ရသော..နေ့ပေါင်းများစွာ..ရှိခဲ့ဘူးပါသည်..။
ထိုထိုသော..ပျော်ရွင်ဖွယ်ရာနေ့များစွာသည်…ထိုနေ့လေးတစ်နေ့နှင့်ယဉ်ပြိူင်လိုက်သောအခါ… ဆီ နှင့်ရေလို..ကွာခြားလွန်းသွားခဲ့သည်.။
ကလေးလေးတစ်ယောက်.ကျွန်မဆီရောက်လာပြီလို့သိလိုက်ရတော့ဖြင့်..ရင်ထဲတစ်မျိုး
ခံစားရသည်..ပျော်သလိုလို..စိတ်ရှုပ်သလိုလို..တစ်ကယ်တမ်းပြောရလျှင်..ကျွှန်မ ကလေးမလိုချင် သေးပေ။ အိမ်ထောင်ကျပြီးထဲက စဉ်းစားရသည့်ကလေးလေးတစ်ယောက်မွေးဖွားဖို့အရေး. ထင်သလောက်တော့ဖြင့်မလွယ်ပေ။ ကျွန်မက အစိုးရိမ်ပိုနေသလားမသိ။
ကလေးတစ်ယောက်အား လူလိုသူလို အများနည်းတူ မတောင့်မတ
ထားနိုင်ရေး။ စဉ်းစားရင်း စဉ်စားရင်းမှပင်..ကလေးယူဖို့ အရေးနှင့် အလှမ်းဝေးခဲ့သည်မှာ အိမ်ထောင်သက် ၃နှစ်ပင်ကျော်ခဲ့ပြီ။ ကျွန်မခင်ပွန်း နိုင်ငံခြားတွင် အလုပ်သွားလုပ်ရန်
အားလုံးစီစဉ်ပြီးခဲ့ပြီ။ သူသွားပြီးလျင် ကျွန်မလိုက်သွားမည်ပေါ့။ ခုတော့ဖြင့် ကျွန်မစိတ်ကူးနှင့်တက်တက်ဆင်အောင်
လွဲခဲ့ပြီ။ကလေးလေးတစ်ယောက် ကျွန်မဆီရောက်လာခဲ့ပြီ။
ကလေးရပြီဆိုတော့ဖြင့် ယောက်ျားလုပ်သူကပျော်မဆုံး.။သမီးလေးမွေးပေးပါတဲ့။ အဲ့သည်နေ့က ကျွန်မရဲ့ ရောဂါအဆန်းစား စဖြစ်လာခဲ့သည်ဘဲ။
ကလေးတစ်ယောက်ရမှဖြင့် သားလေးသာလိုချင်သည်..သားဦးလေးသာမွေးချင်သည်။သားလေး..သားလေး..သားလေး
နှင့်။ သားရူးရူးခဲ့သည်။ ရူံးက စရင်းစစ်
အန်ကယ်ကြီးကဗေဒင်လေးဘာလေးကြည့်တတ်ေ တာ့ဖြင့် မေးမိသည် ကလည်း သားလေးမွေးပါမည်တဲ့။ပျော်မဆုံး။ အိမ်မှ အဖေကရော ယောက်ျားကပါ မိန်း ကလေး လိုချင်သည်ဆိုသော်လည်း..ကျွန်မကတော့
သားမှသား တစ်ပြားမှမလျှော့။ ယခင်က ကလေး မလိုချင်ခဲ့တာ ကျွန်မ မဟုတ်သည့်အတိုင်း။
ကျွန်မကိုယ်ဝန်လေးနုနုမှာ ရုံးမှ ကျွန်မဌာနမှူး(ပိုင်ရှင်ကတော်)
ကကိုယ်ဝန်အရင့်အမာနှင့်။ကလေး ကံကောင်းသည်ဟုပင်
ပြောရမည်။ မကြီး ကသူ့မနောက်ဆုံးဗိုက်မို့ မွေးပြီးချိန်တွင် ဗိုက်ဖုံးအကျီတွေ အကုန်ပေးမည်တဲ့.။
ဝယ်စရာမလိုတော့။သူမ ကိုယ်ဝန်ဆောင်စဉ်တောက်လျောက်က လှလိုက်တာ ဟု သွားရည်ယိုခဲ့ရသော အ၀တ်အစားများ။
မကြီး မွေးဖွားချိန်တွင် ကျွန်မက ၅လကျော်။ ကျွန်မ သာမာန်အင်္ကျီ. ၀တ်မရသောအချိန်နှင့် ကွက်တိပင်။
ထို့ကြောင့် ကိုယ်တိုင်ဆိုလျင် အထည်များစွာ
ဝယ်မ၀တ်နိုင်သော ဗိုက်ဖုံးအင်္ကျီ..များနှင့်လှချင်တိုင်းလှခဲ့သည်။
လှချင်တိုင်းလှသည်ဟုဆိုခြင်းမှာ..ကြွားပြောခြင်းမဟုတ်ပါ။
အားလုံးသောလူတိုင်းမှပြောကြပါ သည။်.လှနေတယ်.လှလိုက်တာ..အသားတွေဖြူလာတယ်..သူဗိုက်ကြီးတာကနုနုလေးဖြစ်သွားတယ်…အို
စုံလိုစုံလို့..။အခြားသော ကြောက်ဖွယ်မှတ်ချက်တစ်ခုပေးကြပြန်သည်..ဒီလောက်လှနေလျင် မိန်းကလေး
မွေးမည်တဲ့။ကျွန်မတစ်သက် လှတယ်လို့အပြောခံရမှာကြောက်ခဲ့ရသည်မှာ ဤတစ် ကြိမ်သာရှိခဲ့သည်။
သူတို့တွေ လှတယ်ပြောလာလေ.ကျွန်မသံသယတွေကကြီးလာလေ။
ကလေးလေးက ငါးလကျော် လာတော့ဖြင့် လှုပ်စပြုလာသည်။
အိုဂျီ ကိုလည်းအပ်ခဲ့ပြီးပြီ။ အနည်းငယ်ကြီးလာသောဗိုက်ကြောင့်ဖြင့် သွားရလာရ တစ်ခါမှ ဒုက္ခမရောက်ခဲ့ပါ။ ယခင်ထက်ပင် ပေါ့ပါးသွက်လက်နေသေးသည်။ ရုံးခန်းကပြောင်းရပြန်တော့
မောင်ခိုင်လမ်း ၊ကျွန်မ ဌာနက ငါးလွာ။ဗိုက်ကြီးတစ်ကားကားဖြင့်
လွားခနဲ လွားခနဲ ငါးလွာကိုတက်လိုက်ဆင်းလိုက်။ ကျွန်မပေးသောတစ်ခုတည်းသောဆင်ခြေလေ..ဒီလောက်ပေါ့ပါးနေတာ
ယောက်ျားလေးမွေးမှာပေါ့။
ကလေးငါးလကျော်တွင် ခြင်ချင်းတစ်ခုတက်လာသည်။စားချင်လိုက်သည့်
ကြက်မောက်သီး။ အသီးစားချင်တာ ယောက်ျားလေးဆိုဘဲ..ဟုပြောသောအခါ
အားလုံးကလက်မခံ။ နင်ဒီလောက်လှလာ တာ မိန်းကလေးပါဟာတဲ့။တစ်ရုံးလုံးနှင်းတစ်ယောက်.အတိုက်အခံပေါ့။
သားလေးသာလိုချင်သော စိတ်က ဒီရေအလား တိုးတိုးလာသည်။အများကမိန်းကလေးပြောလေ သားလိုချင်လေပင်။ စားနေကျ အချဉ်ထုတ်ပင် ပေါ်ပေါ်တင်တင်မစားရဲ။ သည်ကြားထဲကမှ တွေ့ဖြစ်အောင်တွေ့သူက အဲ့ဒါပြောတာပေါ့..နင်မိန်းကလေးမွေးမှာ အချဉ်တွေဆိုသိပ်ကြိုက်တယ်မလားတဲ့။
လူတွေလူတွေ..သူတို့ကဘဲပိုပြောလေသလား ကျွန်မကဘဲ ကဲကဲဆတ်လေသလားမသိ။ ခုကြမှ တစ်သက်လုံးကပြင်နေကြ အလှကိုလည်း မိန်းကလေးမို့လှချင်သတဲ့။
ကျွှန်မ မျက်နှာပြောင်ဖြင့် ဘယ်သောအခါမှ ရုံးသွားလေ့မရှိ..ပြင်ပြင်ဆင်ဆင်နေတတ်သည်..ယခုမှမဟုတ်ပါ။
နုတ်ခမ်းနီဆိုးလည်း မိန်းကလေး..နားကပ်လှလှတတ်ပြန်လဲ
…မိန်းကလေး။တစ်နေ့ အချဉ်ပေါက် ကာ သနပ်ခါးလိမ်း ပါးကွပ်ကြားလုပ်သွားတာတောင်မှ…သနပ်ခါးလေးနဲ့လှနေတယ်..နင်မိန်းကလေး မွေးမှာပါတဲ့။သူတို့ ထင်ကြေးများရပ်ရန်..ယောက်ျားလေးမွေးရင်
တစ်ရုံးလုံးကို ဒံပေါက်ကြွေးမယ်… ဆုတောင်းပေးလို့ပြောရသည်..သူတို့ကလည်းပြန်ပြောပါသည်..ဒံပေါက်တော့စားချင်တယ်..
ဆုလည်းတောင်းပေးပါတယ်ဟယ်..ဒါပေမဲ့ ငါတို့သိတဲ့အတွေ့အကြုံတွေအရတော့ နင်မိန်းကလေးဘဲမွေးမှာ စိတ်လျော့ထားလိုက်ပါတဲ့…ကိုယ်ကလေးဘဲ ဘာလေးရရပေါ့တဲ့လေ.။
ခက်သည်ကကျွန်မ…ဘယ်လိုနည်းနှင်မျှ မိန်းကလေးမမွေးချင်။
မိန်းကလေးမွေးလာလျင် ပထမဆုံးစဉ်းစားရမည်က
နောက်ကလေးထပ်ယူရအုံးမည်။အဘယ်ကြောင့်နည်း ကျွှန်မသည် ဗုဒ္ဓဘာသာကို အမှန်တကယ်ကိုးကွယ်ယုံကြည်သူ။
ထို့ကြောင့် ကျွန်မကိုယ်မှ မွေးဖွားသန့်စင်ခဲ့
သော..သားရတနာကို ရှင်ပြုပေးချင်သောဆန္ဒကြောင့်ပင်။ရှင်ပြုများစွာ..သွားရင်းမှ.ရင်တွင်းဝယ်
ဖြစ် တည်ခဲ့သောဆန္ဒဖြစ်ပါသည်.။ထိုဆန္ဒအား..သစ္စာအဖြစ်ဆိုကာ ညအိပ်ယာဝင်တိုင်း..မြတ်စွာဘုရားထံ တွင် နားညီးအောင်ဆုတောင်းခဲ့မိသည်။သားရတနာသာ ပေသနားပါဘုရားဟု။
နေမြင့်လေ..အရူးရင့်လေဆိုသလိုပင်။ ကလေးကဗိုက်ထဲတွင်ကြီးလာလေလေ..ကျွန်မရာဂါ.. ရင့်လာလေလေ။ နေ့နံအလိုက်နံမည်တွေ..စဉ်းစားလျင်လည်း
မိန်းမနံမည်မပါပေ။ ဗိုက်ထဲမှကလေး ကိုပေးထားသောအိမ်နံမည်သည်ပင်
..ဂျိုဂျိုးဟု။ သွားလိုက်ရသည့်.ညောင်ပင်ပေါင်းလည်းမနည်း.။ သန်လျှင်..ကျိုက်ခေါက်ဘုရားမှ.ညောင်ပင်စောင့်ဘိုးဘိုး…ရွှေတိဂုံဘုရားမှ..ဗြဟ္မာသားပိုက်.။ ယောက်က္ခမအိမ်နားမှညောင်ပင်တောင် ပါလိုက်သေး။
ကိုယ်ဝန်လရင့်လာလေ..ရောဂါဒီရေက. တက်လာလေလေ….။နောက်ဆုံးအိုဂျီပြတဲ့ရက်က
၆လထဲဝင်ပေမဲ့ အာထရာဆောင်း မရိုက်သေးဘူးဆိုလို့ သိချင်စိတ်ကိုမြိုသိပ်ပြန်ခဲ့ရပြန်တယ်။
အဲ့ဒီနေ့က မှတ်မှတ်ရရပါဘဲ..ကျွန်မရဲ့
၂၅နှစ်မြောက်မွေးနေ့..။ရုံးကအပြန် ယောက်ျားနဲ့
လသာဘက်မှာမုန့်ဝင်စားရင်းက..လင်မယားတွေ.စာရွက်လေးကိုယ်စီကိုင်လို့။တစ်ချို့ကပျော်လို့..တစ်ချို့ကတော့..ငိုင်လို့။ဘာတွေတုံးသေချာကြည့်မှ
အာထရာဆောင်းလေးတွပဲ…။ အမှတ်တရပေါ့..မွေးနေ့မှာသိရအောင်ဆိုပြီး…သွားရိုက်ဖြစ်ကြတယ်…။၆လကလည်း..ကျော်ခါစလေးပေါ့။ ရင်တွေ..ခုန်လိုက်တာ..ဆိုတာမပြောပြတတ်အောင်.။ဆရာမက သမီးဘာလေးလိုချင်တာလဲ လို့မေးတော့..သားလေးပေါ့ဆရာမရယ်လို့ဖြေမိတယ်..အသံကတုန်တုန်ရီရီ..။ငယ်ငယ်က
ရည်စားဦးနဲ့ ပထမဆုံးချိန်းတွေ့ကြတုံးကတောင် ဒီလောက်ရင်မတုန်ခဲ့။ဘာလေးလဲဟင်လို့အမေးကို ဆရာမက အပြင်ရောက်ရင်အဖြေမှာကြည့်ပါတဲ့။သွားပါပြီပေါ့…ဆရာမရုပ်ကခပ်ပျက်ပျက်ရယ်။ အပြင်ကိုတောင်မနဲအားယူထရတယ်….ဗိုက်ကပိုဘဲလေးလာသလိုလို..။အပြင်ရောက်တော့ လင်တော်မောင်ကလည်း မိန်းမမျက်နှာကခပ်ပျက်ပျပ်မို့..သဘောပေါက်သယောင်ယောင်။ကိုယ်က တောင်ဘာမှမပြောရသေးဘူး..သူကမိန်းကလေးမလားတဲ့။ထင်သားဘဲ…သူမျှော်လင့်နေတာ.. သူလည်းအများလိုဘဲ..မိန်းကလေးမွေးမယ်ဘဲထင်တာ.။အတွင်းသိတွေမို့
စိတ်ကြီးမှန်းအစွဲအလန်း သိပ်ကြီးမှန်း သိလို့သာ သူများလိုသူ့ထင်မြင်ချက်တွေမပြောတာ။သိနေတယ်။မျှော်လင့်ချက် ရောင်ခြည်..သေးသေးမျင်မျင်လေးကို ဆုတ်ကိုင်ထားရင်..စိတ်ထဲကလည်း.အခါတစ်ရာမက ရေရွတ်မိတယ်…ငါယောက်ျားလေးဘဲမွေးရမယ်…သားဦးဘဲမွေးရမယ်ပေါ့..။
အဖြေစာရွက်ကိုင်ထားတဲ့လက်ဟာ…တစ်ဆတ်ဆတ်တုန်လို့။မျက်လုံးတွေကဝေေ၀၀ါးဝါး…..အို..ဘာတဲ့တုံးဗိုက်ထဲကကလေး…
ကမ္ဘာလောကတစ်ခုလုံးမှာ..အဲ့ဒီနေ့ဟာအဓိပ္ပါယ်အရှိဆုံးနေ့ပေါ့။မျက်ရည်တွေကလည်း
မျက်ဝန်းနှစ်ဘက်ကတစ်လိမ့်လိမ့်ဆင်းလို့..။လမ်းလျောက်ရတာလည်း…မြေကြီးနဲ့ခြေထောက်ကမထိသလို.။ဝမ်းသာလွန်းလို့ကျတဲ့မျက်ရည်တဲ့..။ကိုယ်တိုင်ခံစားဖူး..ကျဖူးပြီပေါ့။ ယောက်ျားကဘေးကတစ်တွတ်တွတ်..နောက်တစ်ခါယောက်ျားလေးရနိုင်ကြောင်း..စိတ်ဓါတ်မကျဖို့
..သူမှမသိသေးဘဲ..ငိုနေတာကိုသူက၀မ်းနည်းတယ်ထင်နေတာလေ…သူဘက်ကိုလှည့်အဖြေစာရွက် အပေးမှာ..ဆောက်တည်ရာမရအောင်ကို.အပျော်လွန်နေတဲ့ ကျွန်မ.ဘေးကလူတွေလဲမမြင်တော့ ရှက်ရကောင်းမှန်းလည်း.မသိနိုင်တော့အောင်
သူ့ကို ကျစ်ကျစ်ပါအောင်ဖတ်ပြီ… အားရပါးရ အော်ပစ်လိုက်မိတယ်…..
“ကိုရေ..ကျွန်မဗိုက်ထဲကလေ..သားလေးတဲ့”
Coffee(18/8/2012 – 4:28pm)
(..သားကို ကိုယ်ဝန်ဆောင်စဉ်ကခံစားချက်စစ်စစ်ပါ..ခုတော့သားလေးဟာ
လေးနှစ်ပြည့်ခဲ့ပါပြီ…သားကို joe joe လို့ဘဲအိမ်မှာခေါ်ကြပါတယ်..)
ကွင်းပြင်ကျယ်ကျယ်
